7. Na sy bevordering in sy eienaar se huis het dié se vrou na Josef gekyk en vir hom gesê: "Kom slaap by my."

10. Sy het dag vir dag by Josef aangehou, maar hy het bly weier om by haar te gaan slaap.

12. Toe gryp Potifar se vrou hom aan sy klere en sê: "Kom lê by my." Maar Josef het buitentoe gevlug, terwyl sy 'n stuk van sy klere in haar hand bly hou.

7. Kom hou gemeenskap met my.

10. en hy na haar nie wou luister om by haar te lê om met haar gemeenskap te hou nie,...

12. Toe gryp sy hom aan sy kleed en sê: Kom hou gemeenskap met my.

• Die Here het sy verbond Abraham en met Isak en toe weer met Jakob opgerig.
• Die gedeelte wat ons gelees het, is 'n deel van die stryd wat hierdie verbondsvolk teen die duiwel moes voer, en hoe die Here hulle bewaar het.

• Josef is die hoofkarakter.
• Opvallend in hierdie gedeelte is die refrein dat die HERE met Josef is en hom seën.
• Die Here seën selfs vir Potifar ter wille van Josef.

• Op hierdie stadium was die Here besig om Josef te gebruik om in 'n baie groter opset voorsiening te maak vir die gelowiges (die Kerk!) van die Here.
• Om dit te kan verstaan, moet ons eers teruggaan op die spore waarmee Josef Egipte toe gekom het, en gaan kyk hoe dit op daardie stadium by sy ouerhuis gelyk het.

• Dina het met die heidene begin deurmekaar loop.
• Die Bybel sê dat sy die dogters van die land wou leer ken.
• Sy wou dus meer weet van hulle godsdiens en kultuur en het met hulle begin meng.
• Die resultaat was dat een van die seuns van die heidene haar toe leer ken het (Genesis 10:17).
• Die Here het toe die plan verhinder, maar in die optrede van Jakob se kinders leer ons hulle oneerlikheid ken.
• Hulle was glad nie meer so gelowig as wat hulle behoort te gewees het nie.
• Hulle sluit met hierdie heidene 'n verbond in die Naam van die Here, maar tog gaan Simeon en Levi en moor die hele stad uit.
• As ons kyk na hulle motiewe vir die moord, het hulle hulle nie vir hulle agterbaksheid daarop beroep dat die Here hulle opdrag gegee het om nie met die Hewiete te meng nie (- as hulle dit maar gedoen het!).
• Hulle motief vir die moord was die verkragting van hulle suster.
• Dit het dus glad nie oor hulle geloof gegaan nie.
• Dit het suiwer gegaan oor hulle persoonlike emosies.
• Die ander broers is nie onskuldig nie, want hulle het toe ewe geweteloos die stad gaan plunder.
• Ons lees verder dat Jakob se gesin afgode ook met hulle saamgedra het.
• Voordat Jakob na Bet-el gegaan het, het hy eers sy gesin gesuiwer van die vreemde gode wat hulle by hulle gehad het.
• Hy het dit begrawe onder die terpentynboom by Sigem (Genesis 6).
• Die neiging na onsuiwer geloof en afval van die Here af het dus die hele tyd oor hierdie familie gehang.
• Die grootste moeilikheid het toe gekom by geloofsvermenging.
• Die seuns van Jakob was nie kieskeurig as dit by hulle huwelikke gekom het nie.
• Die sonde van Ruben met Bilha was baie ernstiger as die een van Sigem met Dina (Genesis 22).
• Van die ander broers het met heidense vroue getrou.
• Die Bybel vertel dat Simeon (wat Hemor en sy mense uitgeroei het) self ook met 'n kanaänitiese vrou getrou het (Genesis 46:1).
• Juda het dit ook gedoen (Genesis 38).
• Miskien mag ons daaruit aflei dat die ander broers dit ook gedoen het.
• Meestal sien ons Jakob se seuns in mekaar se geselsskap, maar een keer het Juda 'n tyd lank die familie verlaat en 'n vriendskap gesluit met Hira 'n man van Adullam.
• In die tyd toe hy daar gebly het, het hy met 'n kanaänitiese vrou getrou. Maar luister hoe die Here dit beskryf:
• Daar het Juda vir Bat Sua, 'n Kanaänitiese meisie, raakgeloop en met haar getrou. Hy het met haar gemeenskap gehad,... (Genesis 38:2). 
• Hoe geslaagd was hierdie huwelik met die heidense vrou? Juda het drie kinders by haar gehad: Er, Onan en Sela.
• Er en Onan is altwee deur die Here doodgemaak omdat hulle Hom mishaag het.

• In hierdie geskiedenis het ons iets van 'n voorspel van Jesus Christus se werk waar hy plek gereedmaak om sy volk in ewigheid te kan ontvang in sy koninkryk.
• Daarom is Josef se werk (roeping) inderdaad 'n styltipe van van Jesus Christus se werk as Plekbereider.

• Dit is inderdaad 'n stryd tussen twee magte wat baie groter is as ons: die magte van die hel wat sy swaard kruis met 'n onderdaan van die koninkryk van God.
• Ons verstaan dat die Here in hierdie geskiedenis openbaar dat elke ware gelowige se roeping deur die duiwel in die spervuur gebring gaan word.

• Die beginsel in altwee gevalle is dieselfde: as die duiwel die een wat deur God gestuur is se koningsbeeld kan knak, verloor daardie mens sy posisie as middelaar vir God se volk.
• Daarom het die duiwel probeer om Jesus te verlei om die gemak van wêreldheerser te kies eerder as om te sterf aan die kruis.
• Die duiwel se versoeking in die Paradys was dieselfde:
• Kom hou gemeenskap met my. Waarom wil julle so diep en laag voor God buig? Kom hou gemeenskap met my en geniet die lewe. Eet van die vrugte wat vir julle verbied is en word soos God, want julle sal baie kennis en vreugde hê.
• Die versoeking vir Josef was dieselfde: kom hou gemeenskap met my. Waarom sal jy die streng reëls van die geloof toepas en die lewe by jou laat verbygaan? Kom geniet die lewe, dit het baie vreugde wat dit jou kan bied.

• Vir God beteken dit: "een word met," en "totaal deel word van".
• Daarom is hierdie daad vir God die simbool van die omgang tussen Hom en sy kerk. Dit is in 'n sekere sin profeties en 'n voorspel van ons omgang met God in die hiernamaals. Daarom gebruik die Here hierdie woord om die verhouding tussen Hom en mense uit te beeld.

• Baie oorvereenvoudig gestel: die wêreld probeer die kerk (gelowiges) uit hulle roeping uittrek in 'n nuwe baan in waar hulle hulle roeping mis en in die skande by God kom.

• Die Here verwag dat ons alle bande met verkeerde dinge moet breek.
• As ons dit nie doen nie, gaan Hy ons saam met mense wat sonde doen straf.
• Hy stel dit baie skerp in die boek Openbaring:

En ek het 'n ander stem uit die hemel hoor sê: Gaan uit haar uit, my volk, sodat julle nie gemeenskap met haar sondes mag hê en van haar plae ontvang nie (...nie aan haar sondes deel kry...) (18:4).

Dieselfde ding staan in Efesiërs 5:11 geskryf:

 ... en hou nie gemeenskap met die onvrugbare werke van die duisternis nie, maar bestraf dit liewer.

As ons sê dat ons met Hom gemeenskap het en in die duisternis wandel, dan lieg ons en doen nie die waarheid nie. Maar as ons in die lig wandel soos Hy in die lig is, dan het ons gemeenskap met mekaar; en die bloed van Jesus Christus, sy Seun, reinig ons van alle sonde (1 Johannes 1:6, 7).

• Hou gemeenskap met God - maar weet dan wat dit beteken.
• Moenie met die wêreld gemeenskap hou nie, want dit beteken doodgewoon ewige vernietiging.

• Ons moet in die eredienste en as gelowiges saamkom en saam bid.
• Dan het ons gemeenskap met die Vader en met sy Seun, Jesus Christus (1 Johannes 1:3).

• Dit is 'n lewe waarin ons die volle geweld van die duiwel in hierdie lewe sal ervaar.
• Hy het ons Here Jesus laat ly.
• Hy het Hom versoek.
• Hy het Hom baie skande en skade in hierdie lewe aangedoen.
• En dit was alles die wraak van die Satan omdat hy nie die Here Jesus ooit kon beweeg om sonde te doen nie.

• Hy roep ons om met hom gemeenskap te hê. As ons dit nie doen nie, probeer hy ons vernietig  -  soos dit met Josef gebeur het.
• Toe hy nie wou nie, het Potifar se vrou hom belieg en het Josef in die tronk beland.

• Die wêreld bied 'n oënskynlike vreugde aan 'n mens, maar die vreugde is baie vlak en dun.
• Die groot saak wat mens moet onthou is dat daar 'n probleem is wanneer hierdie kortstondige vreugde verby is.

• Maar dan sou Josef enersyds die seën van die Here verloor het,
• want die Here sou hom gestraf het.
• Andersyds sou hy die seën van die wêreld ook verloor het.
• Iewers sou Potifar die saak agtergekom het, en dan sou hy Josef tereggestel het.
• Baie prakties: As Josef die vreugde wat hom aangebied is, sou gebruik, sou hy daarna vasgevang gewees het in die greep van die dood en die ewige dood.

• Hy kon aan die versoeking van die duiwel toegegee het en koning van die aarde geword het, maar dan was ons steeds verlore, en dan moes die duiwel die plek van God inneem.
• Jesus kon baie populêr en roemryk gewees het as Hy wou, want Hy het die mag gehad om dit te doen.
• Hy kon maklik die engele opgeroep het, en die wagte wat Hom kom arresteer het, laat doodmaak het. Hy het ook glad nie nodig gehad om aan die kruis te gaan sterf nie.

• Kom hou gemeenskap met my.
• Laat vaar jou beginsels.
• Laat vaar jou strengheid en kom leef loslyf saam met ons. Dis lekker om jou lewe te geniet en alles daaruit te haal.

• Die lewe saam met die Here is nie sonder vreugde en vrede nie. Dit is net 'n anderssoortige vreugde, want dit hou vir altyd en dit dra die seën en blydskap van God weg.
• Die vreugde wat die wêreld bied, is altyd met sonde deurmekaar.
• Dit is 'n soort van vreugde wat kort-kort onklaar trap, want die skepper daarvan is te kortsienig om iets blywends tot stand te bring.
• Die dinge wat hy aanbied is altyd 'n alternatief op die waarheid  -  soos Potifar se vrou met Josef: Kom hou gemeenskap met my!

... moet ook nie met die sondes van ander gemeenskap hê nie. Hou jou rein (1 Timoteus 5:22).

Wees liewer bly hoe meer julle in die lyding van Christus deel, want dan sal julle ook oorloop van vreugde by sy wederkoms in heerlikheid.

Die genade van die Here Jesus Christus en die liefde van God en die gemeenskap van die Heilige Gees sal by julle almal wees (2 Korintiërs 13:13).