Aan hulle vrugte sal julle hulle ken. 'n Mens pluk tog nie druiwe van dorings of vye van distels nie! So dra elke boom goeie vrugte; maar 'n slegte boom dra slegte vrugte.

• Daar kan baie maklik gedink word dat die geloof alleen by die Here tel en dat jy dus nie aan jou werke (lewensstyl) aandag hoef te gee nie.
• Die ander kant is ook moontlik, naamlik dat iemand die indruk kan hê dat geloof nie so belangrik is nie, solank jou lewe (werke) net van hoogstaande gehalte is.

• Die regte toestand is 'n kombinasie van 'n lewende geloof en goeie werke.
• Jou geloof moet spontaan tot uiting kom in jou goeie werke.
• Die een kan nie sonder die ander nie, en die een kan ook nie losgemaak word van die ander nie.

• Die antwoord is: Nee.
• Dis waar dat ons met die bloed van Jesus vrygekoop en vrygemaak is.
• Maar dis ook waar dat ons deur die Gees van God tot sy ewebeeld vernuut is.

• Jesus se goeie werke was almal gerig op die eer van God, en die verlossing van die gelowiges.
• As jy tot die ewebeeld van Christus vernuut is, beteken dit dat jy nie onverskillig staan teenoor die verlossing nie, en dat jy uiteraard jou verantwoordelikheid teenoor jou Verlosser sal besef.
• Dit beteken dat jy die Here Jesus ook in die doen van goeie werke sal navolg.

• Die goeie boom is tog sekerlik hier tekenend van 'n ware gelowige, en sy goeie vrugte is die spontane goeie werke wat uit sy geloof in die Here voortvloei.
• Kyk weer na die beeld, want iets word baie skerp gestel: Die goeie boom dra goeie vrugte.
• Die goeie vrugte kom voort omdat die boom goed is
• Dis nie so dat die boom dalk 'n slegte boom is en nou gaan dra hy goeie vrugte sodat hy kan goed word nie.
• Dis nie so dat die boom iets wil verdien nie.
• Sy vrugte is 'n weerspiëling van dit wat hyself is. In Johannes 15: 8 stel Jesus dit duidelik dat God die Vader verheerlik word deur die feit dat ons vrugte voortbring.

Hierin is my Vader verheerlik, dat julle veel vrug dra; en julle sal my dissipels wees. (Johannes 15:8 AFR1953)

• As Christus dan met sy lewe en sy dood   behalwe vir die feit dat Hy ons van ons sondes verlos het   die Here verheerlik het, moet ons dieselfde doen, want ons word juis deur die werk van Christus hiervoor bekwaam gemaak.

• Eerstens doen ons hulle tot God se eer.
• Tweedens doen ons hulle tot behoud van ons naaste.

• Ons geloofseerlikheid kom in ons werke na vore.
• As jy in jou hart oortuig is van jou geloof, gaan dit spontaan in jou lewensstyl na vore kom.
• Die Kategismus sê dat daar 'n lus by jou gewek word om die wet na te streef.
• Jy ervaar dan 'n bepaalde wil om die geregtigheid van God uit te leef.
• Hierdie spontane lus om te doen wat vir die Here aangenaam is, is niks anders nie as gehoorsaamheid.
• Hierdie eerlike lewenshouding word dan deur die Heilige Gees gebruik om ander mense ook te vernuut en tot bekering te lei.
• Ons lewens word dan rigtingwysers aan 'n krom en verdraaide geslag. Dink maar aan die woorde van Filippense 2:15

• Dit is waarom ons glo dat ons goeie werke ook evengeliserend kan wees, want hulle kan ons naaste trek om tot bekering te kom.

• Dit is omdat hierdie mense met so 'n lewensstyl bewys dat die ware beeld van God in hulle ontbreek.
• Hulle lewe as dankoffer aan God vertoon 'n algehele gebrek aan dankbaarheid – om die waarheid te sê: hulle lewens staan meestal in die teken van sonde en verset.
• Ons kan dit Bybels so sê:
• Die heiligwording ontbreek by hulle.
• Hulle lewe dra dus die merke daarvan dat hulle met God gebreek het.

• Daarom behoort elke gelowige by selfondersoek vir homself te vra: Glo ek werklik?
• En as hy antwoord: Ja, dan moet sy lewe dit bewys. Dan moet sy geloof gedra word deur sy werke.

• Die Heilige Gees laat ons besef dat ons nie volmaak is nie, en dat ons 'n Verlosser bitter nodig het.
• Elke preek wat gemaak word onder die leiding van die Heilige Gees bevestig weer op sy beurt die genadekant van hierdie saak, naamlik dat Christus met sy soenverdienste ons sondes met die toorn van God versoen het. Ons het volkome vergifnis vir al die foute wat ons maak.

• Hy bevestig altyd aan ons dat Hy ons lei en regeer om voortdurend vernuut te word tot die beeld van Christus.
• Hy bevestig dus dat ons van nuuts af 'n bekeringslewe sal lewe waarin ons breek met die sondes wat daar nog by ons vassteek.
• Hy bevestig ook dat ons ook sal volhard met goeie werke, waarmee ons die Here loof en dank vir sy verlossing.

Maar iemand sal sê: Jy het die geloof en ek die werke. Toon my jou geloof uit jou werke, en ek sal jou uit my werke my geloof toon. (Jakobus 2:18 AFR1953)